上星期病左足足有五日,真辛苦!

呢兩日係公司都係pack box
三個女仔兩日pack 左廿幾個箱
諗起都覺得辛苦!聽日仲要繼續 @_@

下星期一二都請左假
因為呢個星期日要返鄉下探外婆
去三日兩夜, 來回車程十幾個鐘
來來去去又係辛苦!

點解我要咁辛苦呀?唉!

韓國之旅

六月七日 － 第一天
六號果日放工仲要去石硤尾上堂， 本來以為上到九點可以趕得到十點幾去到機場，點知原來係九點半先落堂，果日仲落到好大雨，等我去機場已經十點半啦，仲成身濕晒。
之後就check-in凌晨十二點KE航班到Korea啦！(PS.我係KE Counter見到陳川呀)，check-in完去左AF Counter同D舊同事打招呼，同佢地傾左幾句就入gate口啦！
係飛機到因為大雨成日遇到氣流，都有少少驚。飛機飛左好耐先有飯食，差d餓死我，因為我連晚餐都未食。
到左韓國係五點幾(韓國時間)，個人都未訓醒，個導遊就帶左我地去一間叫做<SPA LADE>的地方------訓覺。係好韓式的[訓地板]，仲係好熱果種，實際上都唔係好訓到，之後去左東大門行街街，我都唔記得左自己去左邊，總之好早就返左酒店訓覺啦！

六月八日 － 第二天
八點幾係酒店出發食早餐，食完就坐左大約兩個鐘頭車去<Everland>，因為無人同我一齊玩機動遊戲，所以都係周圍行下，影下相，玩下D唔刺激的遊戲。

妹妹連坐吊車都好驚，好免強咁影左張相。

個拳頭仔好得意呀，仲要係我鍾意的粉紅色呀！
點知玩玩下落大雨，D雨水仲好鬼凍添喎！好彩我地好快就上車去其他地方，不過就濕左一半身。坐多個幾鐘車就去食晚飯，食完又返酒店啦！俾張相大家睇下。

今晚呢間係溫泉酒店，間房好有家的感覺，仲有埋廚房添，而我地訓的係<榻榻米>，都幾有特式架！

六月九日 － 第三天
起身係酒店食左個早餐，之後就係酒店的水上樂園玩(其實得好細)，游下水，玩下水，浸下溫泉咁就過左一個上午啦！之後準時十二點出發去火車站，坐最近海岸線的火車到正東津火車站，果到真係好靚，可以係火車軌影相，而且仲可以睇到個海同我地今晚住的遊輪酒店添。


影完相又去左其他景點，好似沙漏公園，北韓鯊魚級間碟潛水艇，軍艦博物館，雕刻公園等等。睇完之後就食左個餃子火鍋，再返去Sun Cruise酒店，即係好似一隻船的酒店呀！

出左酒店房間的路台就可以睇到一望無際的大海啦！真係好靚呀！

六月九日 － 第四天
一早凌晨四點四十五分就起身啦，點解咁早呢？咪因為要睇日出囉！我地只要行出路台就可以睇到日出啦，都幾方便而且個太陽真係好靚呀，雖然要咁早起身都係值得的。俾大家睇下我影到的日出。

睇完日出又行返入房訓覺，訓到七點幾又要起身出發食早餐啦！食完野就坐車返出去SEOL，坐左三個幾鐘車終於出到去啦，我地先去睇人參，再去梨泰院行街，然後學整泡菜，仲著住韓服影相添，D團友話我著住韓服好似韓國人，請大家睇下係咪真係咁似。


影完相我地最係就去<樂天世界>玩，不過Big3套票，玩左3樣野就周圍影相啦！

玩完又係食晚飯的時候啦，我地食完野返到酒店，之後出去街到行下(其實韓國夜晚都無野睇)，行左一陣就返左酒店訓啦！

六月十日 － 第五天
今日係韓國之旅最後一日， 導遊話一直都好擔心我地去唔到青瓦臺，因為韓國果邊有示威，仲要係總統府(青瓦臺附近)，但係好彩我地去果日早上有事(其實之前果日同埋今日下午係總統府都有示威)，我地都真係幾好運，不過話時話果到都無咩好睇。之後去睇水晶同蟲草，最後就係去明洞買野。行完我地就去左手信街買手信，韓國買野真係好貴呀，我用左一千蚊港紙買野都唔係買到少少野咋！最後當然就係去SEOL機場啦！


返到香港已經係晚上十點幾，返到屋企仲要十二點添，執埋野要成二點我先訓，第二日仲要返工添，就係咁完成左我地五日四夜的韓國之旅啦！

P.S.返到香港聽到同事講，原來六月七日香港好大雨，仲有黑雨添，有好多飛機都起飛唔到呀，好彩我地班機係六號者！Lucky！

不經不覺就係HIAS做左八個月啦
呢段日子好辛苦架
成日都要咁早起身(淩晨三點起身啦)
不過就真係好開心
又可以見識到好多野
仲識到好多朋友添
我諗我係HIAS得到最寶貴的就係佢地啦

以上係部份法航team的同事,仲有以下我地果期的所有同學仔

最唔捨得就係你地啦!有時間我會去機場探你地架!

另外我已經搵到份新工啦!
係觀塘返架,以後唔洗日日坐咁耐車啦
因為新工作17號先開始
所以有幾日時間可以休息一下
我仲有好多節目添
12/12 約左阿保,靜欣,Tebby去尖沙咀打邊爐補祝阿保生日
13/12 同細妹一早去睇<魔間傳奇>,之後去唱K,再去行街,整頭髮,食晚飯
          (所有費用都係我俾架,呢次真係破財啦!順便一提,我電左個曲髮,不過我唔係睇得好慣)
14/12 約左詩婷,蘇蘇同鄭大小姐出去食飯慶祝詩婷生日
15/12 約左細妹同媽咪去行街食飯,因為呢日又係媽咪生日
16/12 休息
呢個假都真係好忙,仲好破費添,仲多人生日,遲D仲要X'mas,真係大出血啦!

之前因為法國罷工
所以連續一個星期D機都做到我地死
公司知道我地辛苦就請我地係Regal做一餐
不過果日我無去到
但係我就非常之好彩
竟然俾我抽到個大獎
係一隻錶來架(仲係我最鍾意的粉紅色呀)
真係勁開心呀!!
俾張相大家睇下先

係咪好靚呢?我就好鍾意啦!
我仲要岩岩諗住買隻錶架啦
真係岩岩好呀~~~
GOOD LUCK!!!!